“Neftchi” PFKning bayram tabrigi

Yangi yil mustaqil Vatanimizning rivoji uchun har taraflama omadli va zafarli kelishiga tilakdoshmiz.

Kirib kelayotgan yil milliy futbolimizga muvaffaqiyatli kelsin. Yangi yil Rossiyada bo'lib o'tadigan Jahon chempionati saralash turnirida ishtirok etayotgan Samvel Babayan boshchiligidagi O'zbekiston milliy terma jamoasi, xalqaro maydonlarda Vatanimiz sharafini himoya etuvchi O'zbekiston klublari hamda Oliy liga ishtirokchilari uchun omadli hamda g'alabali onlarga boy bo'lsin deya niyat bildiramiz.

Nasib qilsa, yangi mavsumda jamoamiz ham o'z g'alabalari, ishonchli natijalari bilan farg'onaliklar ishqibozlarni ko'p bora xursand qiladi va albatta bunga ishonch bildirib qolamiz. Hamisha Vatanimiz tinch, xalqimiz sog'-omon bo'lsin.

Bayram muborak, aziz vatandoshlar!