"Metallurg" FK: Yangi yilingiz qutlug' bo'lsin!
/ Kiritdi: BestMaster O'qilgan: 749
Millionlar o'yiniga aloqador va unga befarq bo'lmagan barcha insonlarni, aziz yurtdoshlarimizni Professional futbol klubi – “Metallurg” nomidan kirib kelgan Yangi 2017 yil bilan tabriklaymiz.
Yangi yil barchaning xonadoniga baxt-saodat, tinchlik-xotirjamlik, omad va zafarlar olib kelsin.
2017 yil mamlakatimiz futboli uchun juda muhim yil hisoblanadi. Mamlakatimiz mustaqillikka erishgan kundan buyon millionlab ishqibozlarimiz orziqib kutayotgan Mundial – Jahon chempionatiga yo'llanma yo'lidagi hal qiluvchi uchrashuvlar boshlanadi. Metallurg futbol klubi, jamoa o'yinchilari hamda rahbariyati Milliy terma jamoamizga bu yo'lda ulkan zafarlar tilaydi. Ichki chempionatimiz – professional futbol ligasi oliy liga musobaqasida esa barcha klublarga chiroyli o'yin, muxlislar etibori va etirofini tilaymiz. O'z navbatida Bekobod ahlini, “Metallurg”ning barcha muxlislarini ham erkaklar va ayollar jamoasi, futzal jamoasi azolari nomidan chin dildan samimiy muborakbod etamiz. Yangi yilda ezgu niyatlaringiz amalga oshishini istab qolamiz!
Yangi yil hammamiz uchun omadli va muvaffaqiyatlar yili bo'lsin!
Bosh sahifaga
76