Ro'ziqul Berdiev: "Neftchi"ning o'yinida murabbiy imzosi sezilib turibdi"

- O'yin qiyin bo'lganligini barcha ko'rdi. Raqib bizga etarlicha qarshilik ko'rsatdi. "Neftchi" grand jamoalar bilan o'ynab g'alaba ham qozongani ularni qanchalik kuchliligini bildirib turibdi. Bugun muhim bo'lgan uch ochkoni qo'lga kiritdik. "Neftchi" bejizga kuchlilar qatorida yurmaganini isbotladi. "Neftchi"ning o'yinida murabbiy imzosi sezilib turibdi. Odil Hamrobekov kichik jarohat olgani bois uni zaxiraga oldik va bu bilan uni finalga asradik desam ham bo'ladi. Bizni oldinda juda muhim final kutib turibdi. Barchamiz bizni naqadar masuliyatli o'yin kutib turganini his etib turibmiz. Yirik musobaqadagi eng muhim o'yinga bor kuch-g'ayratimizni sarf etamiz. "Nasaf" O'zbekiston Kubogi finalida g'alaba qozonishga qodir jamoa. Bizning saviyamiz bu kabi yirik turnirda zafar quchishga etarli deb o'ylayman. Murabbiy hech qachon muxlislarga vada bermaydi. Lekin shuni vada beramizki, biz O'zbekiston Kubogini Qarshiga olib kelish uchun astoydil kurashamiz.