Ular millionlardan voz kechishdi...

Bizning ro'yxatimizdan joy olgan futbolchi va murabbiylar esa astronomik summalardan voz kechgan holda, hozircha CHin o'lkasiga borishga shoshilmayaptilar...

O'tgan hafta Ronalduning agenti Xitoy klublaridan biri transfer uchun "Real"ga 300 million evro, futbolchining o'zi uchun esa yiliga 100 million evro maosh taklif qilayotganliklari haqida xabar paydo bo'ldi. Biroq, Ronaldu ushbu taklifga rad javobini berdi.

Ibragimovich uchun esa undan ham ko'proq - 120 million evro maosh taklif qilindi. Biroq, Zlatan u erga borishga shoshilmayapti!

"CHelsi" asosiy tarkibida muntazam maydonga tusha olmayotgan Sesk Fabregasga ham Osiyodan chorlovlar bo'ldi. Biroq, ispaniyalik futbolchi mardonavor tarzda 31 millionlik taklifni rad etdi.

Runi haqida ham shu gap. Futbolchi MYU asosiy tarkibidagi o'rnini yo'qotib qo'ydi. Ammo, biz ham futbolchining o'zi kabi Xitoyga yo'l olishiga hali ancha erta deb hisoblaymiz :) Haftasiga 800 ming funt maosh esa ikki yil o'tib ham chiqib qolishi mumkin!

Luka Modrich esa 20 millionlik maoshdan ko'ra "Real"ga bo'lgan muhabbatini ustun qo'ydi

Markos Roxo MYU tomonidan transferga qo'yilgandi. Ammo, uning o'zi ketishni istamayapti. Agar u o'sha taklifga rozi bo'lganida bugungi kunda Xalk, Oskar, Odil Ahmedov kabi futbolchilar bilan bir jamoada o'ynash imkoniyatiga ega bo'lardi :)

Yozda Xitoy jamoalari Ernanes va Manjukich uchun yaxshigina pul taklif qilgandilar. Biroq, tomonlar yakunda kelishuvga erisha olmadilar.

Ispaniyalik murabbiy Visente Del Boskega esa 15 million evro maosh taklif qilishgan. Biroq, u pul uchun bunday qaror qabul qilmasligini malum qildi.

Angliya terma jamoasining sobiq bosh murabbiyi Sem Ellardays ham nima uchundir Xitoyliklar taklif qilgan juda-juda katta pullarni olishni istamadi :)

"Manchester Yunayted" bosh murabbiyi Joze Mourino esa Xitoyga borish uchun hali yoshlik qilishini aytib o'tdi

sports.ru sayti asosida tayyorlandi