Andijon bugundan navbatdagi yig'inni boshladi
/ Kiritdi: BestMaster O'qilgan: 845
Joriy mavsumni birinchi ligada o'tkazadigan andijonliklar bugundan navbatdagi yig'inga kirishdi. Jamoa azolari tushlikdan so'ng klub qarorgohida yig'ildi.
Kechga yaqin trenajyor zalida jismoniy tayyorgarlik ustida mashg'ulotlar olib borildi. Unga murabbiylar - Vitaliy Legay bilan Rasul Rahmonov boshchilik qildi. Tarkibda o'tkan mavsum jamoa sharafini himoya qilganlardan Ibrohim Otaxonov, Farhod Bekmuratov, Alisher Abduvohidov kabi futbolchilar borligini etirof etish joiz. SHuningdek yoshlar jamoasida o'zini ko'rsatishga erishgan Barakatillo Isroilov, Dilmurod Mahmudov, SHoyad Mullajonov, Artur Mamatkazin, Abror Komilov, Farruh Bekmuratov, Avaz Olimjonov singari iqtidorli futbolchilar ham yig'inga taklif etilgan.
Mazkur yig'inga yangi kelib qo'shilgan futbolchilar ham yo'q emas. Bular - Farruh Turdaliev, SHukur Jumaboev (Qizilqum), Sirojiddin Ettiboev (Nasaf-2), Akbar Xodjaev (Obod) hamda Asror Rahmonov(UzDongJu).
Bundan tashqari markaziy himoyachi Davron Tursunov ham malum muddatlik davolanishlardan so'ng yana safga qaytish arafasida ekanligini qo'shimcha qilish joizdir.
Tajribali hujumchi Anvar Berdiev esa ertadan jamoa yig'inida ishtirok eta boshlashi ko'zda tutilmoqda.
Murabbiylar ayni damda yana bir qancha futbolchilar bilan muzokara olib borayotir.
Rejaga ko'ra ertadan mashg'ulotlar kuniga ikki mahaldan o'tkaziladi. Yig'in davomida murabbiylar shtabi bir nechta sinov-nazorat o'yinlarini tashkil etgan xolda, mashg'ulotlarda ishtirok etib turgan futbolchilarning imkoniyatini ko'zdan kechirib, ularni saralab boradi.
Bosh sahifaga
236
