Akmal Tursunboev: “Navbahor”ga meni Ilhom Mo'minjonov taklif qildi”
/ Kiritdi: BestMaster O'qilgan: 870
Andijonning “Andijon” klubi oliy ligadan tushib ketganidan so'ng jamoa darvozasini himoya qilgan Akmal Tursunboev Toshkentning “Obod” klubida qishki yig'in tayyorgarliklarini olib borayotgan edi.
Ammo yangi yildan so'ng Tursunboev Namanganning “Navbahor” klubi yig'iniga kelib qo'shildi.
“Andijon” jamoasidan ketganimdan so'ng Toshkentning “Obod” klubi meni o'z safiga jalb qildi. Qishki yig'inning birinchi qismida ushbu jamoa bilan mashg'ulotlarda ishtirok etdim. Klub raxbariyatlari menga 3 yillik shartnoma taklif qildi. Ammo men bir yillik bitimga imzo chekishimni bildirdim. Xullas, ushbu variant amalga oshmadi. CHunki men ularga faqat 1 yillik shartnomaga imzo chekishimni aytdim. Ular esa men bilan kamida 2 yillik kelishuvga erishmoqchi edi.
“Obod” jamoasi raxbariyatlari meni to'g'ri tushunishdi, faoliyatimda omad tilashdi. “Navbahor” klubiga esa meni Ilhom Mo'minjonov taklif qildi. Ko'pchilik bilsa kerak, Mo'minjonov bilan “Paxtakor”da birga ishlaganman. Ushbu murabbiy qandayligini yaxshi bilaman. “Navbahor” jamoasi oldiga yaxshi o'rinlarni qo'lga kirish vazifasi qo'yilgan. Nasib qilsa ushbu vazifani uddalaymiz degan umiddaman”, - deydi "Andijon" klubi sobiq darvozaboni Akmal Tursunboev.
Jahongir Sotvoldiev
Bosh sahifaga
288