Muzaffar Muzaffarov: “Neftchi”ga kelishimda dadamning hech qanday aloqasi yo'q”

Jamoa safida harakat qilgan Muzaffar Muzaffarov ham Farg'onaning “Neftchi” jamoasi mashg'ulotlarida ishtirok etmoqda. U yangi jamoaga ko'chib o'tishida otasi Murod Ismoilovning aloqasi yo'qligini aytib o'tdi.

“So'g'diyona” jamoasi bilan shartnomam yakuniga etgach, yanada o'sishim uchun “Neftchi” klubiga o'tdim. Oldin ham ushbu jamoada o'ynaganim uchun futbolchilar bilan tez til topishib ketdim. Klub raxbariyati va jamoa bosh murabbiyi menga taklif bilan chiqishdi. Andrey Fyodorov bilan birinchi marotaba ishlashim. Ushbu mutaxassis Evropa pro licenziyasiga ega. Ushbu murabbiy qo'l ostida yana ham ko'proq o'sishga erishaman deb “Neftchi” variantini tanladim. Oldimda boshqa takliflar ham bor edi. Lekin hozircha klub bilan shartnoma imzolaganim yo'q. “Neftchi”ga kelishimda dadamning hech qanday aloqasi yo'q. Nasib qilsa “Neftchi” bilan yaxshi natijalarga erishmoqiman. “So'g'diyona” klubida o'ynab shunday darajaga erishdim. Ushbu klubda faoliyat yuritganimdan afsuslanmayman. Davron aka Fayozievga katta rahmat aytaman. Ushbu jamoani faoliyatim so'nggigacha yodimdan chiqarmayman”, - deydi Muzaffar Muzaffarov.


Jahongir Sotvoldiev