Uchta qizil ko'rsatilgan o'yinda Rashidov o'z dubli bilan “Al-Jayish”ga g'alaba keltirdi
/ Kiritdi: BestMaster O'qilgan: 1257
Qatar Yulduzlar ligasida 15-tur uchrashuvlari davom etmoqda.
Terma jamoamiz yarim himoyachisi Sardor Rashidov to'p tepayotgan “Al-Jayish” klubi o'z maydonida “Al-Arabi”ni qabul qilib, 4:3 hisobida g'alaba qozondi.
Quvonarlisi, hamyurtimiz uchrashuvda dubl muallifiga aylandi. O'yinda to'liq harakat qilgan Rashidov 78-chi va hakam tomonidan qo'shib berilgan ikkinchi daqiqada raqib darvozasini ishg'ol qildi.
“Al-Jayish”ning qolgan ikki goli Romarino va Mendes hisobiga yozildi.
O'yinni boshqarib borgan hakam bir yo'la uch nafar futbolchiga qizil kartochka ko'rsatdi. “Al-Jayish”dan Ali Sanad (45+3)va Al Jabri (90+4), mehmonlardan Assi Kouva (64) maydondan chetlatildi.
“Al-Jayish” 15-turdan so'ng turnir jadvalida 33 ochko bilan 3-o'rinni egallab turibdi. Mag'lubiyatsiz odimlayotgan “Lehviya” klubi 39 ochko bilan peshqadamlik qilayotgan bo'lsa, 2-o'rindagi “Al-Sadd” hisobida 37 ochko bor.
Bosh sahifaga
847