Karlush Keyrush Eron terma jamoasi bosh murabbiyi lavozimida qoladi
/ Kiritdi: BestMaster O'qilgan: 903
Eron futbol federaciyasi prezidenti Mehdi Taj mamlakat terma jamoasi bosh murabbiyi Karlush Keyrushning istefoga chiqish arizasi rad etilgani va u o'z lavozimida qolishini malum qildi.
Maxsus tashkil etilgan matbuot anjumanida Eron futbol federaciyasi rahbari Karlush Keyrushning mamlakat termasidagi muvaffaqiyatlari, xususan, Osiyo mamlakatlari o'rtasida Eron bir necha yildan buyon FIFA reytingida etakchilik qilayotgani takidladi. Bundan tashqari, Mehdi Taj Osiyo CHempionlar Ligasi musobaqasida Eron klublari uchun 4 ta kvotani saqlab qolish muhim ekanini aytdi.
Matbuot anjumani davomida Eron futbol federaciyasi rahbari terma jamoa va klublar o'rtasidagi muammolar amaldagi reglamentga muvofiq o'zaro hurmat orqali bartaraf etilishi kerakligini takidladi.
Eslatib o'tamiz, 63 yoshli mutaxassis 8 yanvar kuni Eron futbol federaciyasi bilan yuzaga kelgan o'zaro ziddiyat va kelishmovchiliklardan so'ng milliy terma jamoadan ketish haqida ariza yozgandi.
Qayd etish joiz, Eron hamda O'zbekiston futbol federaciyalarining o'zaro kelishuviga ko'ra, JCH–2018 turniriga saralashning uchinchi bosqichi 8-turi doirasidagi Eron – O'zbekiston uchrashuvi 2017 yilning 13 iyun kunidan 12 iyun sanasiga ko'chirilgan edi.
Malumot uchun, JCH–2018 turniriga uchinchi saralash bosqichi “A” guruhi 5-turidan keyin Eron 11 ochko bilan peshqadamlik qilmoqda. Janubiy Koreya 10 ochko bilan ikkinchi, O'zbekiston 9 ochko bilan uchinchi o'rinda bormoqda.
Bosh sahifaga
268
