"Bunyodkor" bugun Gana terma jamoasi bilan o'ynaydi
/ Kiritdi: BestMaster O'qilgan: 828
O'zbekistonning "Bunyodkor" klubi ayni paytda BAAda xorijiy yig'inni o'tkazayotganidan xabaringiz bor.
Sergey Lushchan boshchiligidagi jamoa bugun, 10 yanvar kuni Dubaydagi "The Sevens" stadionida Gana milliy terma jamoasiga qarshi o'rtoqlik uchrashuvi o'tkazadi.
Avram Grant boshchilik qilayotgan terma jamoa Afrika millatlar kubogiga tayyorgarlik ko'rmoqda. 14 yanvar kuni Gabon mamlakatida start oladigan musobaqada Gana terma jamoasi ilk o'yinni 17 yanvarda Ugandaga qarshi o'tkazadi.
"Bunyodkor" - Gana uchrashuvi 10 yanvar kuni Dubay vaqti bilan soat 17:00da (Toshkentda 18:00 bo'ladi) start oladi.
Gana terma jamoasi tarkibida ayni paytda Asamoa Gyan, Emmanuel Agemang Badu, Andre Ayyu, Jonatan Mensa, Kristian Atsu, Vakaso Muborak, Jordan Ayyu kabi mashhur futbolchilar faoliyat olib borishmoqda.
Eslatib o'tamiz, "Bunyodkor" BAAdagi yig'in doirasidagi ilk uchrashuvni "Al SHaab"ga qarshi o'tkazdi. Unda "qaldirg'ochlar" 2:1 hisobida g'alaba qozonishdi. "Bunyodkor" ushbu yig'inda yana bir qator jamoalarga qarshi o'rtoqlik o'yinini o'tkazishadi.
Bosh sahifaga
1165