“Lokomotiv”ning Dubaydagi yig'iniga yana bir legioner kelib qo'shildi (+Foto)

“Temiryo'lchilar” kuniga ikki mahaldan mashg'ulot o'tkazishmoqda. Ertalabgi mashg'ulot jarayonida asosan jismoniy tayyorgarlikka katta urg'u berilayotgan bo'lsa, tushdan keyin esa ko'proq to'p bilan muomala qilish mashqlari bajarilmoqda. SHuningdek, yig'inda yana bir ivuarlik futbolchi qatnashayotganini takidlash joiz.

Kot-d’Ivuarning eng istedodli yosh futbolchilaridan biri deya etirof etilayotgan Junior Axissan Lendri bugundan “Lokomotiv” mashg'ulotlariga qo'shildi. Ushbu 20 yoshli hujumkor yarim himoyachi o'z mamlakatining yoshlar terma jamoasi bilan Afrika chempionatida g'olib chiqib, 2013 yilgi yoshlar o'rtasidagi jahon chempionatida ham chorak finalga qadar etib borgandi. Bir qator grand jamoalar qiziqishiga sabab bo'lgan futbolchi o'tgan yilni Ukrainaning “Dinamo Kiev” jamoasida o'tkazdi. Ayni damda esa u bizning jamoamiz ko'rigida bo'lib turibdi.

Quyida “Loko”ning Dubaydagi to'rtinchi kungi mashg'uloti jarayonidan fotosuratlarni tomosha qilishingiz mumkin.