"Nasaf" "Neftchi"ni mag'lub etdi
/ Kiritdi: BestMaster O'qilgan: 998
Turkiyaning Antaliya shahrida o'quv-mashg'ulot yig'inini o'tkazayotgan "Nasaf" jamoasi bugun ikkita nazorat bellashuvida maydonga tushdi.
Bugun Ro'ziqul Berdiev shogirdlari dastlab Kiprning AEL jamoasi bilan kuch sinashishdi va SHahboz Erkinovning yagona goli evaziga g'alabaga erishgani haqida klub matbuot xizmati xabar bergandi.
Kunning ikkinchi yarimida "ajdarlar" Ozarboyjonning "Neftchi" klubi bilan o'ynashdi.
Ushbu bahsni "Nasaf" jamoasi asosiy tarkibda o'tkazdi.
"Nasaf": Eldorbek Suyunov, Najmiddin Normurodov, SHerzod Azamov, Akmal SHorahmedov, SHarof Muhitdinov, Odiljon Hamrobekov, Aziz G'aniev, Doniyor Narzullaev, Bahrom Abduraximov, Dragan CHeran, Bobir Abdixoliqov.
O'yindagi yagona kiritilgan golga Farruh Sayfiev mualliflik qildi.
SHu tariqa "Nasaf" har ikkala nazorat uchrashuvida ham g'alaba qozondi. Jamoa safiga yangi kelib qo'shilgan Akmal SHorahmedov esa "ajdarlar" tarkibidagi o'zining ilk norasmiy o'yinini o'tkazdi.
"Nasaf" jamoasi Antaliyadagi yig'in davomida yana to'rtta nazorat uchrashuvida maydonga tushishi rejalashtirilgan.
15.01.2017 (shanba)
“Nasaf” (O'zbekiston) – “Botoshani” (Ruminiya)
16.01.2017 (yakshanba)
“Nasaf” (O'zbekiston) – “Sumgait” (Ozarbayjon)
18.01.2017 (chorshanba)
“Nasaf” (O'zbekiston) – “Karpati” (Ukraina)
20.01.2017 (juma)
“Nasaf” (O'zbekiston) – “SHaxtyor” (Qozog'iston)
Bosh sahifaga
222
