Turkiya Evro-2016 final bosqichida

Turkiya saralash bosqichidagi guruhlarda uchinchi o'rinni egallagan jamoalar ichidan eng yaxshi ko'rsatkichga ega bo'ldi va to'g'ridan-to'g'ri Evropa chempionatining final bosqichiga chiptani qo'lga kiritdi.

Turkiya terma jamoasi guruhda 18 ochko jamg'ardi va bu borada uchinchi o'rinni qo'lga kiritgan eng yaqin raqobatchisi Vengriyadan uzib ketdi. Vengriya terma jamoasi 16 ochko to'plab o'z guruhida uchinchi bo'ldi. Endi ular pley-off o'yinlari orqali Franciyada bo'lib o'tadigan Evropa chempionatiga borish uchun kurash olib borishadi.