Gvardiola jamoasi ko'p gol o'tkazayotganidan hayratda

- "CHelsi"dan 10 ochko ortda qolayotganimiz bu katta farq. Turnir jadvalidagi 2-pog'onadagi jamoadan esa atiga 3 ochkoga orqadamiz. Buyog'iga turnir jadvali qanday tus olishini esa ko'ramiz.

Ko'p o'yinlarda biz raqib darvozasini ishg'ol etish uchun etarlicha vaziyatlar yaratmoqdamiz. Raqib jamoa esa darvozamiz tomon borishi bilan gol urishni uddalamoqda. Bizning raqiblarimizning ikkinchi hujumi ham gol bilan yakun topmoqda.

Meni qo'l ostimdagi jamoam ilk bor bu qadar ko'p gol o'tkazib yubormoqda. Avvallari bu narsa ruy bermagandi. Bu muammoni hal etish uchun bosh qotirishim kerak.

"Manchester Siti"dek jamoani boshqarayotganimdan xursandman.

* Eslatib o'tamiz, Gvardiola "shaharliklar"ni o'z boshqaruviga olishi bilanoq jamoani asosiy figuralaridan biri sanalgan darvozabon Jo Xartni o'z falsafalariga to'g'ri kelmasligini aytib, uni o'rniga Klaudio Bravno sotib olishni maqul ko'rgandi. Jo Xart esa "Torino"ga ijaraga berib yuborildi.

Gvardiola tanlagan va maqtagan Klaudio Bravo ayni paytda ko'plab tanqidlarga uchramoqda. "Manchester Siti" jamoasi Angliya premer ligasida o'tkazilgan 21 uchrashuvdan so'ng o'z darvozasidan jami 26 marotaba gol qo'yib yubordi.