Ahmadjon Musaev - O'zbekiston U-13 terma jamoasi bosh murabbiyi

O'FF va "Terma jamoalar markazi" ushbu yosh toifasidagi terma jamoani yaxshiroq shakllantirish va imkon qadar barcha nomzodlarni ko'zdan kechirish uchun iqtidorlarni yig'ib, terma jamoani tuzishga qaror qildi. Ayni kunlarda "CHig'atoy" bazasida istiqomat qilayotgan jamoaga Ahmadjon Musaev ustozlik qilayotgan bo'lsa, terma jamoa menejeri sifatida SHuhrat Maqsudov faoliyat yuritishni boshladi.

21 oktyabrgacha davom etadigan yig'inda jami 48 nafar futbolchi sinab ko'riladi. Yig'inning dastlabki 5 kunida 24, keyingi 5 kunida qolgan 24 o'yinchi ko'zdan kechiriladi. Noyabr oyida esa hozirgi yig'indan saralangan va yangi nomzodlar yana bir bor yig'inga chaqiriladi. Dastlabki yig'inda jami 6ta nazorat o'yini tashkil qilish ko'zda tutilgan. 15 oktyabr, payshanba kuni "Spartak" jamoasining 2001 yilda tug'ilgan yoshlariga qarshi nazorat bahsi bo'lib o'tadi. Uchrashuv "Jar" stadionida soat 11:00da boshlanishi rejalashtirilgan.

Ushbu yoshdagi terma jamoa har oylik yig'inlar orqali shakllantirib borilishi ko'zda tutilgan. Nomzodlar nafaqat terma jamoa yig'ini, balki klublari safidagi uchrashuvlarda ham murabbiylar shtabi tomonidan kuzatib boriladi.