“Nasaf” “Sumgait”ni mag'lubiyatga uchratdi
/ Kiritdi: BestMaster O'qilgan: 877
“Nasaf” Antaliyada to'rtinchi nazorat uchrashuvida maydonga tushdi. Bu safar jamoaga Ozarbayjonning “Sumgait” jamoasi raqiblik qildi.
“Sumgait” jamoasi 2010 yili tashkil etilgan bo'lib, 2011 yildan Ozarbayjon premer ligasida ishtirok etib kelmoqda. Jamoaga mahalliy mutaxasis - Samir Abbasov murabbiylik qiladi.
Murabbiylar bugungi uchrashuvda legioner o'yinchilarni maydonga tushirishmadi. Ular dam olishdi va uchrashuvni zaxira o'rindig'ida tomosha qilishdi. Quyida uchrashuvda maydonga tushgan tarkib bilan tanishing.
“Nasaf”: Sanjar Quvvatov (Umid Ergashev 80), Akmal SHorahmedov, SHerzod Azamov, Maqsud Karimov (s), Farruh Sayfiev (Najmiddin Normurodov), G'olib G'aybullaev, Azizjon G'aniev (Baxrom Abdurahimov 55), Sirojiddin Qo'ziev (Odil Hamrobekov 46), Islom Kenjaboev (SHarof Muhitdinov 70), Bobir Abduxoliqov, SHaxboz Erkinov (Dilshod Xushbakov 80).
O'rtoqlik uchrashuvi maqomiga ega bo'lsa ham bugungi uchrashuv kurashlarga boy bo'ldi. Jamoa raqibini 1:0 hisobida mag'lubiyatga uchratdi. Ikkinchi bo'limning 70-daqiqasida maydonga tushgan SHarof Muhitdinov, uchrashuvning 76-daqiqasida “Sumgait” darvozasini ishg'ol qildi. Ushbu golga "Nasaf"ning tajribali hujumchisi SHaxboz Erkinov asisentlik qildi.
SHunday qilib, "Nasaf" o'tkazilgan to'rtta nazorat uchrashuvida ham bir xil 1:0 hisobida raqiblarini mag'lubiyatga uchratdi.
Jamoa navbatdagi nazorat uchrashuvini Ukrainaning “Karpati” jamoasiga qarshi o'tkazadi. Uchrashuv 18 yanvar kuni o'tkazilishi rejalashtirilgan.
Bosh sahifaga
725