Sanjar SHoahmedov ham "Al Sayliya"ga ko'chib o'tdi
/ Kiritdi: BestMaster O'qilgan: 1087
O'tgan mavsum oliy liganing barcha o'yinlarida maydonga tushgan "Lokomotiv" yarim himoyachisi Sanjar SHoahmedov klubni tark etdi.
U ham hujumchi Temurxo'ja Abduxoliqov singari Qatarning "Al Sayliya" klubi bilan shartnomaga imzo chekdi.
Sanjar SHoahmedov kecha tibbiy ko'rikdan muvaffaqiyatli o'tdi va yangi jamoasi bilan bir yarim yilga mo'ljallangan shartnoma imzoladi. Endilikda u ham faoliyatini Qatar Yulduzlar Ligasida davom ettiradi. Aytib o'tganimizdek, ushbu futbolchi o'tgan yil oliy liganing barcha 30 o'yinida ishtirok etib, 7ta gol urishga muvaffaq bo'ldi.
SHuningdek, Sanjar O'zbekiston Kubogi bahslarida bitta gol urishga erishdi. "Lokomotiv" PFK o'tgan mavsum jamoaning chempion bo'lishida hamda Kubok qo'lga kiritilishida o'z hissasini qo'shgan Sanjar SHoahmedovning keyingi faoliyatida omad tilaydi.
Bosh sahifaga
152