Ulug'bek Ramazonov: "Bugun uchta gol uraman deb tushgan edim"

"Lokomotiv" - "Kogon" (2:10) uchrashuvidan keyin kogonliklar safida uchta gol urgan Ulug'bek Ramazonovning fikrlari bilan qiziqdik.

"Yaxshi o'yin bo'ldi. Raqibimiz avvaliga munosib qarshilik ko'rsatdi, lekin keyinchalik o'ylagan narsalarimizni amalga oshirdik va yirik hisobda g'alaba qozondik. O'z o'yinimga keladigan bo'lsam, garchi xet-trik qayd etgan bo'lsamda yana 2-3 imkoniyatdan foydalana olmadim. O'yindan oldin bugun uchta gol uraman deb maydonga tushgan edim. Umuman bu mavsum ko'p urayotganimning sababi, chempionat oldidan va davomida o'tkazilayotgan yig'inlar doirasidagi mashg'ulotlar deb bilaman. Aynan to'g'ri mashg'ulotlar sabab jismoniy holat juda yaxshi", - deydi Ulug'bek Ramazonov.