“Nasaf” bu safar “Karpati”ni mag'lubiyatga uchratdi
/ Kiritdi: BestMaster O'qilgan: 1067
Antaliyada qishki o'quv yig'in mashg'ulotlarini olib boryotgan jamoamiz bugun navbatdagi beshinchi nazorat uchrashuvida maydonga tushdi.
Bugun "Nasaf" Ukraina premer ligasi vakili Lvov shahrining “Karpati” jamoasi bilan kuch sinashdi.
Uchrashuvning 5-daqiqasida tajribali hujumchi Dragan CHeran oradagi hisobni ochdi. Uchrashuvning birinchi bo'limi ana hisobda yakunlandi. SHuni alohida takidlash kerakki, bugungi uchrashuvda jamoa futbolchilari juda yaxshi o'yin namoyish etishdi.
Ikkinchi bo'lim, birinchi bo'limga qaraganda ancha qiziqarli va gollarga boy bo'ldi. Ikkinchi bo'limning 50-daqiqasida Dragan CHeran yana bir marta lvovliklar darvozasini ishg'ol qildi. Oradan ko'p vaqt o'tmay raqib hisobni qisqartirishga erishdi.
O'yinning so'nggi daqiqalarida Dilshod Xushbakov juda chiroyli tarzda, uzoq masofadan “Karpati” darvozasini ishg'ol qildi.
Uchrashuvdagi gollarga SHaxboz Erkinov, Farruh Sayfiev va Islom Kenjaboevlar asisentlik qilishdi.
O'yinchilarda hisobni yanada yiriklashtirishga imkoniyatlar bo'ldi, ammo bu vaziyatlarda ularda aniqlik etishmadi.
SHunday qilib, “Nasaf” navbatdagi nazorat uchrashuvida “Karpati” klubini 3:1 hisobida mag'lubiyatga uchratdi.
Bugungi uchrashuvda quyidagi o'yinchilar harakat qilishdi.
“Nasaf”: Umidjon Ergashev, Maqsud Karimov, Farruh Sayfiev, Igor Golban, Doniyor Narzullaev, Azizjon G'aniev, Dilshod Hamrobekov, SHaxboz Erkinov, SHarof Muhitdinov, Akmal SHorahmetov, Dragan CHeran.
Zaxiradan maydonga tushganlar: Sanjar Quvvatov, Bahrom Abdurahimov, Najmiddin Normurodov, Bobir Abduxoliqov, Islom Kenjaboev, Dilshod Xushbakov, Islom Rashidxonov, Navro'z Izatillaev.
Uchrashuvda ushbu o'yinchilar ishtirok etishmadi, ular o'yinni zaxira o'rindig'ida tomosha qilishdi: Eldorbek Suyunov, SHerzod Azamov, Dilshod Rahmatullaev, G'olib G'aybullaev, Sirojiddin Qo'ziev.
“Nasaf” Antaliyadagi so'nggi nazorat uchrashuvini 20 yanvar kuni Qozog'istonning “SHaxtyor” jamoasi bilan o'tkazadi.
Bosh sahifaga
240