Andrey Fyodorov - Jarohatlar, yangi hujumchi, Hamza Karimov va Turkiya yig'ini haqida

"To'g'ri bugun nazorat uchrashuvi edi, biroq baribir bunday o'ynab bo'lmaydi. Futbolchilar ko'p xato qilishdi. "Buxoro" bilan o'yinda ham deyarli shunday bo'lgandi. O'shanda raqib vaziyatlardan foydalanmagandi, bugun esa aksi bo'ldi. Futbolchilar o'yin kunlari ham tonggi mashg'ulotlarda ishtirok etishmoqda. Yani jismoniy yuklamalar juda katta bo'lmoqda. Buni barcha oldindan yaxshi bilardi", - deydi Fyodorov. 

- Bugun hujumda nega birgina Nikita Pavlenko o'ynadi?
- Sababi jarohatlar bilan bog'liq. Murod Bobojonov o'tgan bahsda 10 daqiqa o'ynab jarohat olgandi. SHerzod Hakimov ham oyog'ini qayirib oldi. Suniy maydon bo'lgani uchun futbolchilarda shikastlanishlar bo'lmoqda. Yangi mavsum oldidan safimizga yaxshi hujumchi qo'shib olish rejamizdan o'rin olgan. Hozir hujumchi qidirayapmiz.

- Hamza Karimov borasidagi fikrlaringiz qanday?
- Tajribali ekanligi ko'rinib turibdi. Biroq jarohat tufayli o'tgan yil 4ta o'yindagina maydonga tushdi. SHu bois mashg'ulotlar hamda mana shunday nazorat o'yinlarida o'zini ko'rsatishi kerak.

- Keyingi rejalar bilan o'rtoqlashsangiz.
- Toshkentdagi bu yig'inimiz tugagach Farg'onada Hokim kubogi musobaqasida ishtirok etamiz. SHundan so'ng balki Turkiyada yig'in o'tkazishimiz mumkin. Hozir hujjat ishlari davom etmoqda, - deydi "Neftchi" ustozi. 

Narzulla Saydullaev