SHerzod Rayimjonov: "Murod Bobojonov "Lokomotiv"ga 6 oyga ijaraga berildi"

"O'zbekiston chempioni "Lokomotiv" klubi Murod Bobojonov borasida rasmiy taklif bilan chiqdi. Jamoa to'purari Temurxo'ja Abduxoliqov Qatar klubiga o'tib ketgach, "temiryo'lchilar" o'z safiga o'zbekistonlik hujumchini qo'shib olishga qaror qilishdi. SHu bois "Neftchi" klubi Bobojonovni 6 oy muddatga ijaraga berdi. Agar futbolchi o'zini ko'rsata olsa kelishuv yana uzaytirilishi mumkin.

Xabaringiz bor, "Lokomotiv" klubi Osiyo chempionlar ligasida O'zbekiston sharafini himoya qiladi. Aynan shu sababli biz hujumchimizni ijaraga berishga rozi bo'ldik. Futbolchi "Lokomotiv" safida o'zini ko'rsatsa O'zbekiston terma jamoasiga ham chaqiruv olishi mumkin.

Murod Bobojonov huquqiy jihatdan "Neftchi" klubiga tegishli va 2 yillik shartnomasi mavjud. Bu transfer orqali "Neftchi" safidagi yosh futbolchilarda ham qo'shimcha stimul paydo bo'ldi. Yani Bobojonov misolida ular kelajakda xalqaro musobaqalarda ishtirok etishga ishonchlari ortdi.

"Neftchi" futbol klub siyosatiga ko'ra tarkibga bir qator farg'onalik yosh futbolchilar jalb qilinmoqda. 1998-2000 yillarda tug'ilgan mahoratli va qobiliyatli o'yinchilar ko'rikdan o'tkazilmoqda.

Bobojonov ijaraga berilgach "Neftchi" klubi tezkorlik bilan yangi hujumchi qidirish ishlarini boshlab yubordi. Bugun Farg'ona futboli tarbiyalanuvchisi hisoblangan Mo'ydin Mamazulumov "Neftchi" safiga qo'shib olinganini rasman malum qilamiz.

Bundan tashqari "Neftchi" bosh murabbiyi Andrey Fyodorov ayni paytda Moskvada bo'lib turibdi. Murabbiy u erda legionerlar bilan muzokara o'tkazadi. Agar barchasi yaxshi o'tsa yaqin orada "Neftchi" safida mahoratli legionerlar paydo bo'lish ehtimoli mavjud", - deydi Rayimjonov championat.asia saytiga bergan intervyusida.

Narzulla Saydullaev yozib oldi

Saytimizning Facebook dagi sahifasi - facebook.com/championat.asia