O'zbekiston kubogi finallaridagi yubiley gollarni kimlar urgan?
/ Kiritdi: BestMaster O'qilgan: 1319
17 oktyabr kuni Jizzax shahrida O'zbekiston kubogi finalida Toshkentning "Bunyodkor" jamoasi Qarshining "Nasaf" klubi bilan kuch sinashadi.
O'zbekiston kubogi finallaridagi kiritilgan jami gollar soni ayni paytda 59tani tashkil etadi. Demak Jizzaxda bo'ladigan final uchrashuvida yubiley 60-golni ko'rishimiz mumkin bo'ladi.
Finallardagi dastlabki golni "Paxtakor" futbolchisi No'mon Hasanov 1993 yilgi finalda "Navbahor" darvozasiga kiritgan. O'sha finalda "Paxtakor" "Navbahor" ustidan yirik hisobda (3:0) g'alaba qozongandi.
Etiboringizda barcha yubiley gollar mualliflarini havola etamiz: No'mon Hasanov (1), Andrey Akopyanc (10), Anvar Berdiev (20), Zayniddin Tojiev (30), Anvar Soliev (40), Aleksandr Kleckov (50)
Jizzaxda bo'ladigan finalda "Bunyodkor" yoki "Nasaf" azosi o'z nomini tarixga yozib qo'yish imkoniyatiga ega bo'ladi.
Eslatib o'tamiz, "Bunyodkor" hamda "Nasaf" jamoalari o'rtasidagi O'zbekiston kubogi finali 17 oktyabr kuni Jizzaxdagi "So'g'diyona" markaziy stadionida bo'lib o'tadi.
O'yin soat 17:00da boshlanadi.
Bosh sahifaga
262