Eldor Xoshimov: "Bizga omad va ozgina tajriba etishmayapti"

"Ardus" - "Maksam-CHirchiq" (1:0) uchrashuvidagi yagona golga mualliflik qilgan Eldor Xoshimov fikrlarini bildirib o'tdi.

"CHirchiqliklarga qarshi oson o'yin bo'lmasligini bilardik, buni uchrashuvdan oldin bosh murabbiyimiz ham aytgan edi. SHunga qarab yaxshi tayyorgarlik ko'rdik va chiroyli o'tgan o'yinda kichik hisobda g'alaba qozondik. Murabbiy ko'rsatmalarini imkon qadar to'liq bajarishga intildik, lekin vaziyatlardan foydalanish borasida biroz oqsayapmiz. Bugungi uchrashuv ham bundan mustasno bo'lmadi. Jamoamizdagi har bir o'yinchi o'z imkoniyatini golga aylantirishga urinmoqda, ammo omad va tajriba bizga salgina pand bermoqda. Nasib qilsa, mavsumning hal qiluvchi pallasiga qadar o'yinimizni ancha topib olamiz", - deydi Eldor Xoshimov.