Tayyorlov guruhlari o'rtasidagi birinchilik natijalari
/ Kiritdi: BestMaster O'qilgan: 1506
Xabaringiz bor, 1999-2000, 2001-2002 yillarda tug'ilgan o'smirlardan iborat tayyorlov guruhlari o'rtasida mamlakat birinchiligi bo'lib o'tmoqda.
Musobaqaning 6-guruhidan joy olgan jamoalar o'rtasidagi bir uchrashuv bugun Navoiy viloyatida bo'lib o'tdi. Ikkinchi bosqichning so'nggi 8-tur bahsi “Qizilqum”(Navoiy)-“Mashal”(Muborak) jamoalari tayyorlov guruhlari o'rtasida bo'ldi.
1999-2000 yillarda tug'ilgan o'smirlardan iborat tayyorlov guruhlari o'rtasidagi bahsda ikki jamoa jangovor 2:2 hisobidagi durangga rozi bo'lishdi.
2001-2002 yillarda tug'ilgan o'smirlar o'rtasidagi navbatdagi tur uchrashuvlari esa qizg'in va murosasiz kechdi.
Jonibek Egamberdiev va Ikrem Repatov shogirdlari bo'lgan yosh ”mashal”chilar safarda o'zlarining ajoyib uchrashuvlaridan birini o'tkazishdi. Muboraklik yosh charm to'p ustalari Navoiylik tengdoshlariga hech qanday imkoniyat qoldirishmadi, ular tenqurlariga nisbatan 2:0 hisobida ustun kelishdi.
Eslatib o'tamiz, birinchi davrada “Mashal” jamoasi o'z maydonida “Qizilqum”ga qarshi bahsda 3:1 hisobida g'alaba nashidasini surgan edi.
Muboraklik yosh futbolchilar safardagi muhim g'alabadan so'ng 13 ochko bilan turnir peshqadamiga aylanib olishdi.
Ertaga “Qizilqum” jamoasi ikki tayyorlov guruhining qiyin uchrashuvlar kutib turibdi, ularni “Nasaf”FM tayyorlov guruhlari jamoalariga qarshi uchrashuvlar kutib turibdi. SHunisi diqqatga sazovorki mazkur futbol maktabi tarbiyalanuvchilari hali biror marta mag'lubiyatga uchramagan.
Qarshidagi bo'lib o'tgan uchrashuvlarda Navoiyliklarning ikki guruhi, yosh “ajdarlar”dan mag'lub bo'lishgan, yani 1999-2000 yillarda tug'ilgan tayyorlov guruhi 6:1 hisobida, 2001-2002 yillarda tug'ilgan tayyorlov guruhi esa 4:0 hisobida.
1999-2000 yillarda tug'ilgan tayyorlov guruhi 2 -davra jadvali (8-turdan keyingi holat)
| t/r | Jamoalar | O' | YU | D | M | T-N | Ochko |
| 1 | “Nasaf” | 4 | 3 | 1 | – | 13-3 | 10 |
| 2 | “Alanga” | 4 | 3 | 1 | – | 12-5 | 10 |
| 3 | “Mashal” | 6 | 1 | 3 | 2 | 12-6 | 6 |
| 4 | “SHo'rtan” | 5 | 1 | 1 | 3 | 5-14 | 4 |
| 5 | “Qizilqum” | 5 | – | 2 | 3 | 5-16 | 2 |
2001-2002 yillarda tug'ilgan tayyorlov guruhi 2 davra jadvali (8-turdan keyingi holat)
| t/r | Jamoalar | O' | YU | D | M | T-N | Ochko |
| 1 | “Mashal” | 6 | 4 | 1 | 1 | 16-9 | 13 |
| 2 | “Nasaf” | 4 | 4 | – | – | 17-2 | 12 |
| 3 | “SHo'rtan” | 5 | 2 | 1 | 2 | 5-5 | 7 |
| 4 | “Alanga” | 4 | 1 | – | 3 | 5-12 | 3 |
| 5 | “Qizilqum” | 5 | – | – | 5 | 2-12 | 0 |
Faxriddin CHoriev tayyorladi
Bosh sahifaga
941