A Seriya. "Milan" o'z uyida "Napoli"ga yutqazdi

Milan shahrining "San Siro" stadionida o'tkazilgan Italiya A Seriyasining 21-turi markaziy bahsida "Napoli" "Milan"ni mag'lubiyatga uchratdi.

O'yin tezkor gollar bilan boshlandi. "Napoli" uchrashuv debyutidayoq tezlik bilan ikki marotaba Donnarumma qo'riqlayotgan darvozani ishg'ol etishga muvaffaq bo'ldi.
Dastlab 6-daqiqada Mertensning to'p uzatmasidan so'ng Insine o'zining ajoyib zarbasi bilan hisobni ochdi.
"Milan" hali to'p o'tkazib yuborganini tushunib etmay ketidan ikkinchi golni ham o'tkazib yubordi.
Yana o'sha tinib-tinchimas Dris Mertensning to'p uzatmasi gol bilan tugadi. Bu safar uning uzatmasidan Kalexon unumli foydalandi.

"Milan" esa shundan so'ng hujumga zo'r berdi. Jamoa uyushtirgan ketma-ket hujumlar besamar ketaverdi. Ammo o'yinning 37-daqiqasida "Napoli" himoyasida qo'pol xato kuzatildi. Jorjinoning to'p uzatishdagi xatosidan so'ng Kucka osonlik bilan oradagi farqni bittaga qisqartirdi.

Jamoalar 1:2 hisobi bilan tanaffusga yo'l olishdi.

Ikkinchi bo'limda ustunlik "Milan" tarafida bo'lgan bo'lsada, qolgan vaqt davomida mezbonlar muvozanatni tiklashga ulgurishmadi.

SHu tariqa "Napoli" Milan safaridan muhim uch ochko bilan qaytadigan bo'ldi.

Joriy mavsumda "Napoli" har ikkala bellashuvda ham raqibidan ustun keldi.

A Seriya, 21-tur. Turnir jadvali

Milan – Napoli 1:2 (1:2, 0:0)

Djuzeppe Meacca (San-Siro)

Gollar: 0:1 – 6 Insine, 0:2 – 9 Kalexon, 1:2 – 37 Kucka.

Milan – Donnarumma, Gomes, Kalabriya, Abate, Paletta, Kucka, Sosa (Bertolachchi, 74), Bonaventura, Pashalich (Nyang, 86), Suso, Bakka (Lapadula, 73).

Napoli – Reyna, Tonelli, Strinich, Xyusay, Albiol, Mertens, Allan (Rog, 86), Kalexon, Gamshik (Zelinski, 74), Insine, Jorjino (Diavara, 61).

Ogohlantirishlar: Mertens (12), Kalabriya (22), Sosa (26), Strinich (38), Tonelli (45), Gomes (51), Bakka (56), Kalexon (82).


Uchrashuvning eng yaxshi futbolchisi: Lorenco Insine 8,6*