"Navbahor": Samatov va Turg'unboev bilan shartnoma imzolandi
/ Kiritdi: BestMaster O'qilgan: 1024
Mavsumlar oralig'ida “Navbahor” tarkibiga kelib qo'shilgan bir qator futbolchilar bilan shartnomalar imzolanganligi haqida avval xabar berib o'tgandik.
Bir yillik tanaffusdan keyin jamoaga qaytgan mahoratli futbolchi Alisher Samatov bu yilgi chempionatni “Navbahor”da o'tkazadigan bo'ldi. Futbolchi bilan bir yillik shartnoma imzolandi. SHuningdek, iqtidorli futbolchilardan biri Azizbek Turg'unboevning amaldagi shartnomasi muddati ham yakunlangandi. Bugun Turg'unboev bilan ham shartnoma muddati uzaytirildi.
SHu kunga qadar Samatovdan tashqari mavsumlar oralig'ida jamoaga qo'shilgan Jahongir Mehmonov, G'iyos Komilov, Mirzohid G'ofurov, Ro'zimboy Ahmedov, Nemanya Yovanovichlar bilan shartnomalar imzolangandi. SHuningdek, jamoa sardori Dilshod Jabborov bilan amaldagi shartnoma muddati ham uzaytirilgandi. Tez orada boshqa futbolchilar bilan ham shartnoma imzolanadi.
Bosh sahifaga
212