Kataloniya nashri “Real”ning ortiqcha ochkolarini hisobladi
/ Kiritdi: BestMaster O'qilgan: 3090
Kataloniyaning mashhur Mundo Deportivo Ispaniya chempionati birinchi davra bahslarini tahlil qilib, Madridning “Real” jamoasi hakamlarning xatolari tufayli qo'shimcha 8 ochkoni qo'lga kiritganini qayd etdi.
Mahalliy mutaxassislarning fikricha, “Real” – “Selta” (2:1) uchrashuvida Alvaro Morata o'yindan tashqari holatda gol kiritgan. SHuningdek, Serxio Ramosning ham “Malaga”ga (2:1) qarshi bellashuvda “ofsayd”dan urilgan goli inobatga olingan. Tahlilchilar “Real”-“Espanol” (2:0) va “Real” – “Deportivo” (3:2) bellashuvida urilgan gollarni ham qoidaga zid ravishda kiritilganini aytishgan.
O'z navbatida “Barselona”ning hisobga olinmagan 4 ochkosi haqida ham so'z bordi. “Selta”ga (3:4) qarshi bahsda Neymarga nisbatan ishlatilgan qo'pollikdan keyin belgilanmagan penalti, “Malaga” (0:0) bilan kechgan bahsda hakamlar tomonidan “ofsayd” deb topilgan Pikening inobatga olinmagan toza goli, “Vilyarreal” (1:1) bilan bahsda hakamlar ikki marta “Barsa” foydasiga penalti belgilashmagan. O'z navbatida “Real Sosedad”ga qarshi bahsda “Barselona” darvozasiga kiritlgan haqqoniy gol inobatga olinmagani ham jurnalistlarning nazaridan chetda qolmagan.
“SHu tariqa ayni paytda “Barselona”da 45 ochko (41+4), “Real”da 35 ochko (43-8) bo'lishi lozim” degan qarorga kelgan nashr mutaxassislari.
Bosh sahifaga
241