Federer «Ulkan toj» turkumiga kiruvchi musobaqalarda 28-marta finalga chiqdi va bir necha rekordlarni yangiladi
/ Kiritdi: BestMaster O'qilgan: 732
35 yoshli shveytsariyalik tennischi Rojer Federer Melburnda davom etayotgan Australian Open turnirining yarim finalida vatandoshi Sten Vavrinkani besh set natijasiga ko'ra 7:5, 6:3, 1:6, 4:6, 6:3 hisoblarida mag'lubiyatga uchratib final yo'llanmasini qo'lga kiritdi.
Bu tennischining oltinchi marotaba mazkur tennis musobaqasining finaliga yo'llanma olishi bo'ldi. Shuningdek Federer «Ulkan toj» turkumiga kiruvchi musobaqalarda 28-marotaba finalga chiqdi. Natijada Rojer o'zining rekordini yangiladi va bu borada asosiy raqobatchisi Novak Jokovichni (21 final) katta farq bilan ortda qoldirib ketdi.
Federer bu finali orqali 1974 yildan yildan buyon «Ulkan toj» turkumiga kiruvchi musobaqalarda finalga chiqqan eng keksa sportchiga aylandi. shu yilda 36 yoshni qarshilaydigan Federerga qadar US Open-1974 finaliga chiqqan Ken Rouzoll 39 yoshni qarshi olgandi.
Shuningdek Federer 2009 yildan buyon «Ulkan toj» turkumiga kiruvchi musobaqalarida final yo'llanmasini qo'lga kiritgan eng reytingi past sportchisi bo'ldi. Hozirda u jahon reytingida 17-pog'onada bormoqda. O'shanda «Rolan Garros» finaliga 25-tartib raqamdagi tennischi, shvetsiyalik Robin Soderling finalga qadar etib borgan va finalda aynan Federerga imkoniyatni boy berib qo'ygandi.
Bu Federerning «Ulkan toj» turkumiga kiruvchi musobaqalarda US Open-2015dan keyingi ilk finali sanaladi. O'tgan yili shveytsariyalik tennischi to'rtta turnirning birortasida bu bosqichga qadar etib kela olmagandi.
Yarim finalning ikkinchi uchrashuvi ertaga bo'lib o'tadi. Unda ispaniyalik Rafael Nadal, bolgariyalik Grigor Dimitrovga qarshi kortga chiqadi.
Bosh sahifaga
1331