Luis Enrike Inestani Harri Potterga o'xshatdi
/ Kiritdi: BestMaster O'qilgan: 937
«Barselona» futbol klubi bosh murabbiyi Luis Enrike jamoa yarim himoyachisi Andres Inestani kitoblar qahramoni Harri Potterga o'xshatishini ma'lum qildi. Uning fikricha, Inesta maydonda o'zini haqiqiy sehrgar sifatida ko'rsatadi. Bundan tashqari, Enrike futbolchi jamoadoshi Denis Suares uning o'rnida bemalol harakat qilishi mumkinligini ham aytib o'tdi.
«Denis Suares Inestaning o'rnida bemalol harakat qilishi mumkin, nimaga yo'q? O'yinchilar oldinga qarab intilishlari lozim. Jumladan, Suares ham. Lekin Inesta — bu haqiqiy Harri Potter. U sehrgar, va bunday futbolchi hozircha bitta. Biroq Denis to'g'ri yo'nalishda, umid qilamanki, u Inestaning o'rnini bir kun baribir egallaydi.
Kiritilgan to'plar uning kayfiyati va o'ziga bo'lgan ishonchini oshiradi. U jarima maydonchasiga to'g'ri vaziyatlarda kirib keladi, biroq yanada samaraliroq bo'lishi kerak. Denis «Barsa B»ning boshqa jamoaga o'tib ketib, so'ng ortga qaytgan kamdan-kam futbolchilaridan. Bu uning to'p bilan muomala qilishi, shuningdek to'psiz ham foydali harakat qilishi tufayli. Ko'p o'yinchilar buni esdan chiqarib qo'yadi. O'yin davomida siz to'p bilan bir yoki bir yarim daqiqa harakat qilishingiz mumkin, shuning uchun to'psiz ishlashni bilmasangiz – sizda bu darajaga chiqish imkoniyati yo'q. Denis buni tushunadi va uni barcha jamoadoshlari yaxshi ko'radi», - deya Luis Enrikening so'zlarini keltiradi Sport.
Ma'lumot uchun, «Barselona» Ispaniya kubogi chorak finali doirasidagi «Real Sosedad»ga qarshi kechgan javob bellashuvida 5:2 hisobida g'alaba qozondi. Suares bu uchrashuvda dubl qayd etdi.
Bosh sahifaga
334