Teo Uolkottning «Sauthempton» bilan uchrashuvda ishtirok etishi masalasiga oydinlik kiritildi

«Arsenal» futbol klubi hujumchisi Teo Uolkott jarohatidan so'ng tiklandi va Angliya kubogining 1/16 finali doirasidagi «Sauthempton»ga qarshi uchrashuvda ishtirok etishi mumkin. Bellashuv 28 yanvar kuni bo'lib o'tadi, deb xabar berdi London klubi matbuot xizmati. Teo Uolkott so'nggi bor o'tgan yilning 18 dekabr kuni, APLning 17-turi doirasidagi «Manchester Siti»ga qarshi o'yinda (1:2) maydonga chiqqandi. 

Shuningdek, 27 yanvardan boshlab jamoa sardori Per Mertezaker va Matyo Debyushi ham mashg'ulotlarga qaytadi. Har ikki himoyachi olgan jarohatidan so'ng tiklangan. Mertezaker o'tgan yilning iyul oyida safdan chiqqan bo'lsa, Debyushi noyabrda, o'zining 2016/17-yilgi mavsumdagi ilk uchrashuvida jarohat olgandi.
 

Teglar: uolkottning, «sauthempton», bilan, uchrashuvda, ishtirok, etishi, masalasiga, oydinlik, kiritildi,
← OldingaOrqaga →