«Kyoln» Dortmundning «Borussiya» klubi mashhur futbolchilaridan birini ijaraga oldi

«Kyoln» futbol klubi Dortmundning «Borussiya» jamoasidan himoyachi Neven Subotichni yarim yilga ijaraga oldi. Neven 26 yanvar kuni ertalab tibbiy tekshiruvdan o'tgan va yangi jamoasi bilan mashg'ulotlarga kirishdi.

«Biz Nevenga katta umid bog'laganmiz. Uning Dortmunddagi faoliyati katta muvaffaqiyatlar bilan bog'liq. U sovrinlarni yutishga katta hissa qo'shgan. Albatta, hozir uning uchun unchalik yaxshi vaqt emas, biroq vaziyat bizga kelishuvga erishish imkonini berdi.

Umid qilamizki, Subotich jamoamiz uchun kelayotgan yarim yil davomida juda ham muhim o'yinchiga aylanadi», - deya «echkilar» murabbiyi Peter Shtyogerning so'zlarini keltiradi klub rasmiy sayti.

«Bugun men xursandman. Bundesligada yana futbol o'ynashni xohlayman», – deya ma'lum qildi Subotich.

Ma'lumot uchun, Neven 2016/17-yilgi mavsumda bironta ham uchrashuvda ishtirok etmadi. Himoyachining «Borussiya» bilan shartnomasi esa 2017 yil yozida o'z nihoyasiga etadi.
 

Teglar: «kyoln», dortmundning, «borussiya», klubi, mashhur, futbolchilaridan, birini, ijaraga, oldi,
← OldingaOrqaga →