«Palermo» 6 yil davomidagi 22-murabbiyni almashtirdi
/ Kiritdi: BestMaster O'qilgan: 908
Italiyaning «Palermo» futbol klubi payshanba kuni Diego Luis Lopes jamoaga bosh murabbiy etib tayinlangani haqida ma'lum qildi. Mutaxassis bundan avval «Kalyari» va «Bolonya»da ishlagan. 42 yoshli urugvaylikning shartnomasi 2018 yilning iyun oyiga qadar mo'ljallangan.
Lopesdan avvalgi bosh murabbiy Eujenio Korini 7 uchrashuvda atigi 1 g'alabani qo'lga kiritib, seshanba kuni iste'foga chiqarildi. «Rozanerolar»ni 2016/17-yilgi mavsum davomida Davide Ballardini (atigi 2 tur davomida ishladi) va Roberto de Zerbi (noyabrda ishdan haydaldi) ham boshqarishga ulgurgandi.
«Palermo» 2011 yilning fevral oyidan beri 22-murabbiyni almashtirdi. Bu davr mobaynida faqatgina Juzeppe Yakini 6 oydan ko'proq vaqt ishladi va hattoki butunboshli mavsumda jamoani boshqardi (2013 yilning sentyabri – 2015 yilning noyabri).
Ma'lumot uchun, «Palermo» Italiya chempionatining 21-turidan so'ng 19-o'rinda bormoqda. Sitsiliyaliklar A seriyada qolish imkonini beruvchi 17-o'rindan 11 ochkoga ortda qolmoqda.
Bosh sahifaga
949