«Chelsi» Angliyaning o'zida to'rtta jamoa xaridor bo'lgan futbolchisini Rossiyaga tekin bermoqchi

«Chelsi» himoyachisi Branislav Ivanovich Rossiyaning «Zenit» klubi bilan muzokaralarni davom ettirmoqda. 

Daily Mail nashri bergan xabarga ko'ra, londonliklar yozda shartnomasi nihoyasiga etadigan futbolchini tekinga piterliklarga berib yuborishga tayyor bo'lib turibdi. «Zenit» esa futbolchi bilan 3,5 yillik shartnoma imzolamoqchi.

Ammo bu transferga APL jamoalari to'sqinlik qilib qolishi mumkin. Futbolchiga hozirda bir yo'la to'rtta ingliz jamoasi «Vest Bromvich», «Everton», «Vest Xem» va «Lester» klublari qiziqish bildirmoqda. «Vest Bromvich» futbolchini mavsum oxiriga qadar ijaraga olishni ko'zlamoqda.

32 yoshli futbolchining oilasi Londondan uncha uzoqlikda bo'lmagan Vest Bromvichda yashashni ham ma'qul ko'rishi mumkin. Ammo Ivanovichning «Vest Bromvich»ga transferi uning 90 ming funt haftalik maoshi sabab bo'lishi mumkin.

Eslatib o'tamiz, oldinroq, Ivanovich «Zenit»ga o'tsa, yiliga 5 million evro miqdorida maosh olishi haqida xabarlar tarqatilgandi.

Teglar: «chelsi», angliyaning, ozida, tortta, jamoa, xaridor, bolgan, futbolchisini, rossiyaga, tekin, bermoqchi,
← OldingaOrqaga →