Vadim Abramov «Buxoro»da rasmiy ravishda ishlamasligi ma'lum bo'ldi
/ Kiritdi: BestMaster O'qilgan: 972
«Buxoro» maslahatchi-murabbiyi sifatida klub rasmiy saytida tanishtirilgan Vadim Abramov aslida bu lavozimda rasman ishlamasligi haqida gapirib o'tdi.
«Buxorliklar meni taklifim bilan Ulug'bek Baqoevni bosh murabbiy sifatida tayinlashdi va mendan yordam berishimni so'rashdi. O'z o'rnida men ham bundan xursandligimni, Baqoev Buxoro futboli uchun begona emasligini, lozim bo'lsa, imkon qadar qo'limdan kelgancha yordamimni ayamasligimni aytdim.
Men shunchaki Ulug'bek Baqoevga yordam beraman. Oldin aytilganidek maslahatchi murabbiy bo'lib ishlamayman. Klubda rasman faoliyat olib bormayman. Shunchaki Baqoevga chempionat boshlanguniga qadar yordam beraman. Mavsum boshlanishiga oz vaqt qoldi, shu bois komplektatsiya va boshqa istalgan savollarni echishga yordam beraman.
Agar boshqa klublardan taklif tushdigan bo'lsa, ularni ko'rib chiqishga tayyorman. Ma'qul taklif bo'lsa, men aniq o'sha taklifni qabul qilaman. Shunday ekan, men klubga ham, sizga ham to'g'risini aytayapman. Birovni aldash menga begona. Ayni damda Ulug'bek Baqoevga qo'limdan kelganicha yordam beraman. Yangi klublardan taklif tushgan taqdirda, ko'rib chiqaman. Takliflar uchun ochiqman», deya Abramovning so'zlarini keltiradi «Erudit-Sport».
Bosh sahifaga
227
