«Real» hujumchisi Zidan klubda ishlashni davom ettirsa, jamoani tark etadi
/ Kiritdi: BestMaster O'qilgan: 1726
«Real» hujumchisi Alvaro Morata klubdagi holatidan qattiq norozi bo'lmoqda. Bu haqda Cadena SER nashri xabar tarqatdi.
Manba bergan xabarga ko'ra, 23 yoshli futbolchi o'yin amaliyoti borasida muammolarga duch kelmoqda. U juda kam o'yinlarda maydonga tushmoqda va bu unga yoqmayapti. Morata agar bosh murabbiy Zinedin Zidan klubda ishini davom ettirsa, yozgi transferlar vaqtida boshqa klubga o'tib ketishni maqsad qilgan.
Morata o'z agentidan boshqa klublardan tushayotgan takliflarni o'rganib chiqishni so'ragan. Hozirda futbolchiga Angliyaning ikki jamoasi «Chelsi» va «Arsenal» jiddiy qiziqish bildirgan. «Chelsi» bosh murabbiyi Antonio Kontening shaxsan o'zi hujumchini jamoaga olib kelishni xohlamoqda.
Joriy mavsumda Morata 13 uchrashuvda, shularning 6tasida asosiy tarkibda, maydonga tushgan bo'lib, 5ta gol va 2ta golli uzatmaga mualliflik qilgan.
Bosh sahifaga
1164