2016 yilda transferlar uchun sarflangan mablag' rekord darajaga etdi

2017-01-27 22:00:02 / Kiritdi: BestMaster O'qilgan: 1078

2016 yilda klublarning futbolchilar transferi uchun sarflagan puli 14,3 foizga o'sib,4,79 mlrd. dollarga etgan. Bu 2013 yildan buyon eng katta o'sish sanaladi. Bu haqda FIFA rasmiy sayti xabar tarqatdi.

UEFA klublari bunda 3,93 milliard dollar (82,1 foiz) ishlatgan bo'lsa, KONMEBOL vakillari 182,6 million dollar sarflagan.

Hammadan ko'p Angliya klublari transfer uchun mablag' sarflashgan — 1,37 milliard dollar. Okeaniya klublari 8ta transferni amalga oshirgan bo'lib, ularning hammasi tekin transfer sifatida qayd qilingan.

Xitoy klublari 159ta legioner bilan shartnoma imzolagan va ular uchun 451,3 million dollar sarflagan, bu 2015 yilgi ko'rsatkich bilan solishtirganda 168,3 foizga ko'proq degani.

Sarflangan pulning 85,1 foizi to'g'ridan-to'g'ri klublar o'rtasidagi savdo uchun sarflangan. 13,3 foiz mablag' o'rtada turgan uchinchi shaxslar (agentlar) uchun ketgan bo'lsa, 1,6 foiz mablag' «minnatdorchilik puli» deyilib, u futbolchilarning o'sishida yordam bergan dastlabki klublari uchun qo'shimcha bonuslar sifatida to'langan.

Jami bo'lib,2016 yilda 14 591ta transfer amalga oshirilgan.

Teglar: yilda, transferlar, uchun, sarflangan, mablag, rekord, darajaga, etdi,
← Oldinga Orqaga →