Anchelotti «Bavariya»ni boshqarmoqchi bo'lgan murabbiylarga kutilmagan javob qaytardi

«Bavariya» bosh murabbiyi Karlo Anchelotti «Hoffenhaym» ustozi Yulian Nagelsman italiyalik mutaxassisning myunxenliklar bilan shartnomasi tugagach, uning o'rnini egallashi mumkinligi haqidagi gaplariga o'z munosabatini bildirib o'tdi.

«Nagelsman bir kun kelib «Bavariya»ni boshqarsa, bundan xursand bo'lardim. Balki bu 10 yoki 20 yildan keyin yuz berishi mumkindir. U saralangan mutaxassislardan biri sanaladi va klubi bilan yaxshi ishlarni amalga oshirmoqda. Unga barcha tilaklarimni bildiraman.

Ammo men yana 10 yil davomida «Bavariya»da ishlamoqchiman. Balki 20 yilga qolarman, nega shunday bo'lmasin? Yana uch yilga mo'ljallangan shartnomam bor. Bu erda o'zimni xuddi o'yimdagi kabi juda yaxshi his qilmoqdaman. Qo'l ostimda ajoyib futbolchilar to'p surmoqda, Myunxen esa — fantastik shahar. Bu erda jurnalistlar ham yomon emas. Hozir shartnomam borasida gaplashish vaqti emas. Ayni paytda mavsumdan shunchaki zavq olmoqchiman» - deya Anchelottidan iqtibos keltiradi Goal internet-nashri.

Teglar: anchelotti, «bavariya»ni, boshqarmoqchi, bolgan, murabbiylarga, kutilmagan, javob, qaytardi,
← OldingaOrqaga →