Angliya kubogida sensatsiya yuz berdi

Angliya kubogining 1/16 finalida kutilmagan natija qayd etildi. Shanba kungi o'yinlardan o'rin olgan «Liverpul» va «Vulverhempton» jamoalari o'rtasidagi uchrashuvda chempionship vakili g'alabani qo'lga kiritdi.

Uchrashuvning dastlabki daqiqasidayoq mehmonlar hisobda oldinga chiqib olishdi. Richard Stirman «bo'rilar»ni hisobda oldinga olib chiqdi. 42-daqiqada esa oradagi ikkitagacha oshdi. Andreas Vaymann tomonidan kiritilgan gol birinchi bo'limga yakun yasab berdi.

Ikkinchi bo'limda Klopp shogirdlari Divok Origining goli bilan javob qaytarishdi. Biroq bu jamoa uchun etarli bo'lmadi. Natijada «Liverpul» bir haftaning ichida ikkita kubokdan ham chiqib ketdi.

Eslatib o'tamiz, 2017 yilda «Liverpul» 7 uchrashuv o'tkazib ularning faqatgina bittasida g'alaba qozongandi. Sakkizinchi uchrashuvda ham jamoaning muvaffaqiyatsizligi davom etdi va antirekord yana yangilandi.

Angliya kubogi. 1/16 final

Liverpul – Vulverxempton 1:2 (0:2)

Gollar: Origi (86) – Stirman (1), Vaymann (41).
Liverpul: Karius, Gomes, Moreno, Rendell (Koutino, 46), Klavan, Edjaria (Jan, 74), Leyva, Veynaldum, Firmino (Starrij, 65), Vudbern, Origi.
Vulverhempton: Bergoyn, Xoz, Stirman, Doerti, Elder Koshta (Ronan, 67), Koudi, Edvards, Evans, Sevill, Vaymann (Meyson, 77), Diko (Bedvarsson, 71).
Ogohlantirishlar: Stirman (29), Xoz (48), Veynaldum (51), Evans (89).

Teglar: angliya, kubogida, sensatsiya, berdi,
← OldingaOrqaga →