Angliya kubogi. Hisobda uch marta ortda qolayotgan «Tottenhem» so'nggi daqiqalarda ikkita to'p kiritib, g'alabani ilib ketdi
/ Kiritdi: BestMaster O'qilgan: 1221
Angliya kubogi 1/16 finalining eng dramatik uchrashuvi Londonda bo'lib o'tdi.
O'z uyida quyi divizion vakili «Uikom»ni qabul qilgan «Tottenhem» hisobda uch marotaba ortda qolishiga qaramay g'alabani o'z tomoniga og'dirishga muvaffaq bo'ldi.
Avvaliga Xeysning dubli mehmonlarni ikkita to'p farqi bilan oldinga olib chiqqandi. Song va Yanssen tomonidan kiritilgan gollar hisobni tenglashishiga sabab bo'ldi. Biroq 83-daqiqada Tompson yana mehmonlarni hisobda oldinga olib chiqdi. Biroq bu natijani ushlab qolish jamoaga nasib etmadi. 89-daqiqada Dele Alli va hakam tomonidan qo'shib berilgan 7-daqiqada Song Xyong Min tomonidan kiritilgan gollar Pochettino jamoasiga g'alaba keltirdi va «Tottenhem» juda katta qiyinchilik bilan bo'lsada, keyingi bosqich yo'llanmasini qo'lga kiritdi.
Angliya kubogi, 1/16 final
Tottenhem – Uikom 4:3 (0:2)
Gollar: Song Xyong Min (60, 90+7), Yanssen (64, penalti), Alli (89) – Xeys (23, 36, penalti), Tompson (83).
Tottenhem: Vorm, Karter-Vikers, Devis, Tripper, Vimmer (Dembele, 61), Uinks, Dayer, Onoma (Alli, 61), Sissoko, Nkudu (Yanssen, 46), Song Xyong Min.
Uikom: Blekmen, Styuart, Djeykobson, Jombati, Per, O`Nin, Geyp, Vud, Keshket (Sonders, 77), Xeys (Tompson, 77), Akinfenva (Ueston, 68).
Bosh sahifaga
144