«Inter» A Seriyasida qatorasiga 7-g'alabasini qo'lga kiritdi

Italiyaning «Inter» jamoasi mamlakat futbol birinchiligining 22-tur o'yinida «Peskara»ni mag'lub etdi. Uchrashuv Milanning «San-Siro — Djuzeppe Meatstsa» o'yingohida bo'lib o'tdi va 3:0 hisobida yakunlandi. 

O'yinning birinchi taymida neradzurrilar tarkibida Joau Mariu va Danilo D'Ambrozio o'zini ko'rsatgan bo'lsa, tanaffusdan so'ng maydonga tushgan Eder jamoasi ustunligini mustahkamlab qo'ydi.

Shunday qilib, «Inter» A Seriyasida ettinchi g'alabasini qo'lga kiritib, 42 ochko bilan jadvalda «Latsio»ni ortda qoldirdi hamda to'rtinchi o'ringa ko'tarilib oldi. «Peskara» 9 ochko bilan 20-o'rinda bormoqda.

Teglar: «inter», seriyasida, qatorasiga, 7-galabasini, qolga, kiritdi,
← OldingaOrqaga →