Anri APLdagi hakamlik sababidan ham videotakrorlarni qo'llab-quvvatlaydi
/ Kiritdi: BestMaster O'qilgan: 788
«Arsenal» va Frantsiya terma jamoasi sobiq hujumchisi Terri Anri videotakrorlar futbolga ijobiy o'zgarishlar olib kelishiga ishonadi. Futbolchi ayniqsa APLdagi hakamlarning xatolaridan keyin bu o'zgarish juda kerak ekanini bildirgan.
«O'tgan hafta so'nggidagi «Tottenhem» bilan uchrashuvda bo'lgan holat. Qanday qilib bu vaziyatda hakam penalti belgilamasligi mumkin? Nega Markos Alonsoning foli uchun «Hall»ga penalti berilmadi? Nima sababdan hakamlar «Byornli» darvozasiga, «Arsenal»ga g'alaba keltirgan penalti belgilanishi oldidan Koselnida ofsayd borligini qayd etishmadi?
«Chelsi» va «Arsenal» ochko yo'qotgan, «Siti» esa yutgan bo'lishi mumkin edi. Bu chempionlik kurashiga ta'sir qilmoqda, tushunyapsizmi? Hakamlarga esa bunaqa vaziyatda yordam kerak. O'yinlar shunchalik tezki, ular vaziyatlarga umuman ulgura olishmayapti. Masalan Belerin qarshi hujumda oldinga intilsa, unga nafaqat hakamlar, proffessional futbolchilar ham eta olishmaydi. Hakam nafaqat unga etib yurishi, balki barchasini ko'rib turishi kerak.
Bizga ekran yonida o'tirib vaziyatlarni aniq ko'rib turadigan va tezda qaror chiqaradigan yana bir hakam kerak. U tez fikrlab buni bosh hakamga etkazib turishi kerak», — deya Anrining so'zlarini keltiradi Goal.com.
Bosh sahifaga
2092