O'z vaqtida «Barselona» kelajagi deb qaralgan futbolchi Bundesliga jamoasiga o'tdi

«Barselona» va «Roma» jamoalari sobiq futbolchisi Boyan Krkich faoliyatini Germaniya chempionatida davom ettiradi. Bu haqda nemis klubi rasmiy saytida xabar berilgan.

Manbaga ko'ra, «Stok Siti» futbolchini «Maynts»ga mavsum yakuniga qadar ijaraga bergan. Hozircha transferning boshqa shartlari borasida aniq ma'lumotlar berilmagan.

Eslatib o'tamiz, futbolchi o'z vaqtida «Barselona» safida to'p surgan paytlarida porlab chiqqan va 17 yoshidayoq Ispaniya terma jamoasi safida Evropa chempionatida ishtirok etish imkoniyatiga ega bo'lgandi. Biroq o'shanda Boyan yosh bo'lgani uchun qattiq jismoniy toliqishga uchragani vaji bilan Luis Aragonesdan uni terma jamoaga chaqirmasligini iltimos qilgandi.

Teglar: vaqtida, «barselona», kelajagi, qaralgan, futbolchi, bundesliga, jamoasiga, otdi,
← OldingaOrqaga →