La-liga. Hisobga olinmagan gol tufayli «Barselona» ochko yo'qotdi
/ Kiritdi: BestMaster O'qilgan: 2419
Ispaniya chempionatining 20-turidan o'rin olgan markaziy uchrashuvlardan birida kutilmagan natija qayd etildi.
«Betis» o'z uyida «Barselona»ni qabul qilib, birinchi davrada uchralgan 2:6 hisobidagi mag'lubiyat uchun qasos olishi mumkin edi. 75-daqiqada Aleksander Alegriya mezbonlarni hisobda oldinga olib chiqqandi. Biroq oradan ko'p o'tmay kataloniyaliklar hisobni tenglashtirishi mumkin edi. Biroq darvoza chizig'ini kesib o'tgan to'pni hakamlar ko'rishmadi va gol inobatga olinmadi. Ammo «Barselona» baribir gol urishga muvaffaq bo'ldi. 90-daqiqada Luis Suares Messi tomonidan uzatib berilgan to'pni darvozaga joylab, kataloniyaliklarni mag'lubiyatdan qutqarib qoldi.
Ushbu durangdan keyin «Barselona» hisobidagi ochkolar soni 42taga etdi. Jamoa «Real»dan ikkita uchrashuv ko'p o'tkazgan holda bir ochko ortda qolmoqda.
Ispaniya La-ligasi, 20-tur
Betis – Barselona 1:1 (0:0)
Gollar: Alegriya (75) – Suares (90).
Betis: Adan, Pichchini, Toshka, Petstselya, Mandi, Sebalos, Pardo (Donk, 69), Petros (Rafa Navarro, 86), Durmisi, Alegriya (Matias Nauel, 85), Ruben Kastro.
Barselona: ter Shtegen, Pike, Mate, Din (Alba, 68), Aleish Vidal, Rakitich, Denis Suares (Andre Gomesh, 59), Turon (Serji Roberto, 68), Neymar, Suares, Messi.
Ogohlantirishlar: Pike (43), Petros (67), Rakitich (70), Ruben Kastro (78), Andre Gomesh (78).
Bosh sahifaga
274