Angliyada darvozabon 30 soniya ichida ikkita penaltini qaytardi

Londonning «Fulxem» futbol klubi darvozaboni Markus Bettinelli Angliya kubogi 1/16 finali doirasida «Xall Siti» jamoasiga qarshi kechgan uchrashuvda g'aroyib holat qahramoniga aylandi. U o'ttiz soniya davomida ikkita penaltini qaytarishga muvaffaq bo'ldi. Bu haqda jurnalist Robert Blashak Twitter’dagi o'z sahifasida xabar berdi.

Bellashuning 87-daqiqasida «Xall Siti» hujumchisi Abel Ernandes 11 metrlik nuqtadan zarba berdi, biroq Bettinelli uni qaytardi. Forvard qaytgan to'pga birinchi bo'lib etib keldi, va darvozabon qoidani buzishga majbur bo'ldi. Hakam esa bu holatda yana bir penalti belgiladi.

Ernandes yana nuqtadan zarba berdi, hamda Bettinelli ikkinchi bor to'pni qaytarishga muvaffaq bo'ldi. Bahs «Fulxem»ning 4:1 hisobidagi g'alabasi bilan yakunlandi.

Ma'lumot uchun, londonliklar Angliya chempionatining ikkinchi divizioni – Chempionshipda ishtirok etmoqda. Jamoa 11-pog'onani band etib, 27 uchrashuvda 40 ochkoni qo'lga kiritgan.

«Xall Siti» esa Premer-liga turnir jadvalida 19-o'rinni egallab turibdi. Jamoa 22 turdan so'ng 16 ochkoga ega.

Teglar: angliyada, darvozabon, soniya, ichida, ikkita, penaltini, qaytardi,
← OldingaOrqaga →