Allegri Dibalaning o'ziga qilgan hurmatsizligi yuzasidan fikr bildirdi

«Yuventus» jamoasi bosh murabbiyi Massimiliano Allegri A Seriyaning navbatdagi turida «Sassuolo»ga qarshi kechgan va 2:0 hisobidagi g'alaba bilan yakunlangan uchrashuv davomida o'z jamoasi hujumchisi Paulo Dibala amalga oshirgan nojo'ya harakatga izoh berib o'tdi.

Argentinalik yosh futbolchi almashtirilgan paytda zaxira o'rindig'iga yo'l ola turib, qarshisidan chiqqan murabbiyning qo'lini siqishdan namoyishkorona bosh tortgan edi.

«Men uni tushunaman. Futbolchilarning hammasi maydonda qolishni istaydi. Dibala yaxshi o'ynayotgandi. Ba'zan futbolchilar almashtirilayotganda g'azablanadi, hechqisi yo'q, bu o'tib ketadi.

Ammo futbolchilar bir-birining qo'lini siqmasa, bundan xafa bo'laman. Chunki bu – hurmatsizlik belgisidir. Murabbiylar esa bu voqealarga ko'nikib ketgan. O'zim ham futbolchi bo'lganman, buni tushunaman», deya Allegrining so'zlarini keltirgan Football Italia.

Video: Dibala Allegriga hurmatsizlik qildi

Teglar: allegri, dibalaning, oziga, qilgan, hurmatsizligi, yuzasidan, fikr, bildirdi,
← OldingaOrqaga →