Devid Bekhem o'z vaqtida «Real»da emas, «Barselona»da o'ynashi mumkin bo'lgani haqida gapirdi
/ Kiritdi: BestMaster O'qilgan: 1091
Devid Bekhem BBC Radio 4 efirida o'z vaqtida «Real» emas, «Barselona» futbolchisi bo'lishiga yaqin kelgani haqida gapirdi.
«MYu» klubida men uchun noqulay bo'lgan vaziyat vujudga kelgan edi. Bir necha o'yinlarda maydonga tushmadim. Shundan so'ng meni sotib yuborishlari mumkinligi haqida xabarlar tarqaldi.
Rafiqam Viktoriya bilan AQShda dam olayotganimda, tanishim qo'ng'iroq qilib, TVda «Barselona»ga o'tganim haqidagi xabarni eshitganini aytdi. Tezda Londonga qaytib, MYu rahbariyati bilan uchrashdim. Ular meni «Barselona»ga sotish bo'yicha kelishib qo'yishgani haqida ma'lum qilishdi. Shunda, agentim orqali agar ketsam, faqat «Real»ga ketishim, «Barselona»ga o'tmasligim haqida aytdim. Bir kundan so'ng Madridda «Real» bilan shartnoma imzoladim.
Shundan so'ng 3 yil davomida men «Yunayted» o'yinlarini kuzatmadim ham, bu jamoaning munosabatidan qattiq ranjigandim.
Aslida faoliyatimni «MYu» klubida yakunlamoqchi edim, «Old Trafford»ni tark etganimdan ancha vaqtgacha o'zimga kela olmagandim», degan Bekhem.
Bekhem «qizil iblislar» jamoasi tarbiyalanuvchisi hisoblanadi va bu jamoada 379 uchrashuv o'tkazgan, ammo murabbiy ser Aleks Fergyuson bilan munosabatlari yomonlashgach, jamoadan ketishga majbur bo'lgandi.
Bosh sahifaga
255