Konte Ivanovichning jamoadan ketayotgani haqida xabar berdi
/ Kiritdi: BestMaster O'qilgan: 937
«Chelsi» jamoasi bosh murabbiyi Antonio Konte jamoa himoyachisi Branislav Ivanovich qishki transferlar doirasida Londonni tark etayotganini tasdiqladi.
Bundan oldinroq Sky Sports nashri ushbu serbiyalik futbolchining «Zenit»ga o'tishi 99 foizga hal bo'lgani haqida yozgandi.
«Chelsi»da Ivanovich ko'p uchrashuvlarda maydonga tushdi va ko'plab sovrinlarni qo'lga kiritdi. U 32 yoshda unda hali ko'p yillar davomida yuqori saviyali futbol namoyish etish uchun imkon bor. Biz uning qarorini hurmat qilamiz, u ko'proq o'yin amaliyotiga ega bo'lishni istamoqda.
Ivanovichning qarorini hurmat qilaman va shu bilan birga uning ketayotganidan afsusdaligimni bildirama. Lekin bu futbol, vaziyatlarning har qanday rivojiga tayyor turish kerak», deya murabbiyning so'zlarini keltirgan Sky Sports .
Angliyaga borishdan avval Rossiyada, Moskvaning «Lokomotiv» klubida o'ynagan bu futbolchi joriy mavsumda «Chelsi» safida barcha turnirlar doirasida 16 uchrashuvda maydonga tushdi va bir gol urib, ikkita sariq kartochka oldi. Ivanovichning «Chelsi» bilan amaldagi shartnomasi muddati shu yilning yoziga qadar tuzilgandi.
Bundan oldingi xabarlarda Ivanovich Sankt-Peterburg klubida 2,5+1 ko'rinishida shartnoma tuzishi va bu shartnomaga ko'ra uning yillik maoshi miqdori 5 million evroni tashkil etishi aytilgandi.
Bosh sahifaga
144