La-liga. «Valensiya» navbatdagi mag'lubiyatdan keyin 15-o'ringa tushdi

Ispaniya chempionatining 20-tur o'yinlari yakuniga etdi. Turning so'nggi uchrashuvida «Valensiya» «Las-Palmas» mehmoni bo'ldi.

Uchrashuvda dastlab mehmonlar hisobni ochishgandi. Santi Mina tomonidan kiritilgan golga «Las-Palmas» birinchi bo'lim so'nggida javob qaytarishdi. Ikkinchi bo'lim boshlarida, uch daqiqa ichida ikkita sariq kartochka olgan «Valensiya» hujumchisi Munir al-Haddodiy qizil kartochka olib maydonni tark etdi.

Bir kishi ko'p bo'lib o'ynagan mezbonlar bu ustunlikdan unumli foydalandi. Avvaliga Maurisio Lemos juda chiroyli tarzda raqib darvozasini ishg'ol qilgan bo'lsa, Kevin-Prins Boateng o'yinni so'nggi nuqtani qo'ydi.

Ushbu g'alabadan keyin «Las-Palmas» hisobidagi ochkolar soni 28taga etdi va jamoa 11-o'rniga ko'tarilib oldi. «Valensiya» esa 19 ochko bilan 15-o'rinda bormoqda.

Ispaniya la-ligasi
20-tur

Las-Palmas – Valensiya 3:1 (1:1)
Gollar: Viera (42), Lemos (57), Boateng (61) – Santi Mina (21).

Las-Palmas: Varas, Masedo, Lemos, Bigas, Kastelyano, Gomes (Dominges, 65), Montoro, Mesa, Momo (Xalilovich, 73), Boateng, Viera (Livaya, 77).
Valensiya: Diego Alves, Joau Kanselu, Garay, Mangalya, Gayya, Soler (Montoyya, 87), Peres (Suares, 46), Parexo, Munir, Santi Mina, Nani (Dzadza, 67).
Chetlatish: Munir (51).
 

Teglar: la-liga, «valensiya», navbatdagi, maglubiyatdan, keyin, 15-oringa, tushdi,
← OldingaOrqaga →