Konte «Liverpul»ga qarshi o'yindan nimalar kutayotgani haqida gapirdi

«Chelsi» bosh murabbiyi Antonio Konte Angliya chempionatida «Liverpul»ga qarshi uchrashuvi oldidan o'z fikrlari bilan o'rtoqlashdi.

«Jamoam har bir uchrashuvda g'alaba qozonishini va o'yinga eng tez moslashadigan qaror qabul qilishini istayman. O'ylashimcha, «Liverpul» ham, «Chelsi» ham g'alaba uchun kurashadi va biz taktik janglarni emas, ochiq futbol ko'ramiz.

Raqibning saviyasi qiyinchilik tug'diradi, ammmo bunday o'yinlarda doim g'alaba qozonishni istaysan. Chunki o'z saviyang bilan mos keladigan jamoaga qarshi o'ynaganda, ishonchni mustahkamlash uchun ham printsipial raqibdan uch ochko olish muhim.

«Liverpul»ning yanvar oyidagi natijalarini tushuntirish qiyin. Sababi men ular ishtirokidagi barcha o'yinlarni diqqat bilan kuzatdim va o'ylashimcha bu uchrashuvlarda jamoaga faqatgina omad etishmadi.

Bu haftada bizni ikkita juda muhim o'yin kutmoqda. «Liverpul»ga qarshi va keyingi hafta esa «Arsenal»ga qarshi o'ynashimiz kerak. Ammo bu ikki uchrashuvdan keyin oldimizda yana 14 premer-liga uchrashuvi qoladi. Shu bois bu ikki uchrashuvda maksimal ochkolarni qo'lga kiritishimiz muhim, ammo bu o'yinlar bilan chempionat tugab qolmaydi», - deya Kontening so'zlarini keltiradi «Chelsi» rasmiy sayti.

Ma'lumot uchun, 22-turdan keyin «Chelsi» 55 ochko bilan turnir jadvalida birinchi o'rinda bormoqda. Jamoa eng yaqin ta'qibchisi «Arsenal»ni 8, «Liverpul»ni esa 10 ochkoga ortda qoldirmoqda.

Teglar: konte, «liverpul»ga, qarshi, oyindan, nimalar, kutayotgani, haqida, gapirdi,
← OldingaOrqaga →