Kataloniyadagilar golni aniqlash tizimi joriy etilishini talab qilmoqda

Ispaniya chempionatining 20-turi doirasida kechgan «Betis» - «Barselona» (1:1) o'yinidagi hodisa katta rezonansni keltirib chiqardi.

O'sha o'yinni boshqargan hakamlar qo'pol xatoga yo'l qo'yishgandi. 78-daqiqada, hisob mezbonlar foydasiga 1:0 bo'lib turganida, katalonlar jamoasi hujumchisi Neymarning zarbasidan so'ng to'p darvoza chizig'ini kesib o'tgan, biroq himoyachi Ayssa Mandi uni darvoza ichidan chiqarib yuborishga ulgurgandi. Bosh hakam Alexandro Xose Ernandes esa gol bo'lganini payqamay qolgandi.

Kataloniyaning Sport sayti to'p darvoza chizig'ini 57 sm.ga kesib o'tganini dastaklab, Ispaniya chempionatida golni aniqlash texnologiyasini zudlik bilan joriy etishni talab qildi. 

Ayni paytda, bu tizim APL o'yinlarida muvaffaqiyatli qo'llanib kelmoqda.

Teglar: kataloniyadagilar, golni, aniqlash, tizimi, joriy, etilishini, talab, qilmoqda,
← OldingaOrqaga →